The Daydream.Co е македонски бренд основан во 2017 година од Нина и Теа со цел да внесе инспирација и стил во секојдневното модерно живеење придонесувајки кон личниот развој, продуктивноста и остварување на целите на секој од нас.

Секој производ од постојано растечката палета е дизајниран со посебен фокус кон квалитетот на истите, огромна љубов кон деталите и ја пренесува приказната на брендот.

Годишните планери за личен развој “The Daydream Planner” се првиот производ креиран од нашиот бренд и досега имаме реализирано 4 колекции на годишни планери и 3 колекции на недатумирани планери кои преку својата содржина, вежби и алатки целат кон ослободување на креативноста и поттик на личната систематизираност и организација.

Дневникот за рецепти е прв производ од категоријата тематски производи на македонски јазик, за сите љубители на готвењето кој содржи доволно простор за сите омилени рецепти, внимателно систематизирани по категории. Секој од нашите производи доаѓа во брендирана кутија, а истите можете да си ги купите и во книжарниците на Литература во Skopje City Mall и ул. Македонија и книжарница ТРИ во ГТЦ и Дебар Маало.

Благодариме што сте дел од нашата водечка инспирација – да создадеме производи со кои секој ќе може да се поврзе на свој автентичен начин и ќе бидат неразделен дел од Вашето секојдневие.

Ваш,
TD тим